O Partido Socialista levou novamente unha moción ó pleno presentada xa en varias ocasións  onde solicitan urxentemente que se realicen as obras do pavillón do colexio de Redondela e as obras do tellado do colexio de Quintela.  As 2.000 sinaturas recollidas polos pais de alumnos e alumnas do colexio de Redondela no ano 2011 e as mobilizacións pedindo que se procedan canto antes aos arranxos de ditos colexios segue a día de hoxe como no 2011.

Por outra banda dende o temporal de vento no mesmo ano 2011 o vento levou parte do teito do colexio CEIP de Cedeira, a posterior reparación foi feita como provisional a esperas dos arranxos finais prometidos por parte do Delegado Territorial da Consellería de Educación. Segundo o voceiro do Partido Socialista de Redondela todo segue no esquecemento xa que a día de hoxe as obras finais seguen sen realizarse.